กุสโล อนุปาทินฺนุปาทานิโย ธมฺโม นอกุสลสฺส นอนุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโยฯ กุสโล อนุปาทินฺนุปาทานิโย ธมฺโม นกุสลสฺส นอนุปาทินฺนุปาทานิยสฺส จ นอกุสลสฺส นอนุปาทินฺนุปาทานิยสฺส จ ธมฺมสฺส อารมฺมณปจฺจเยน ปจฺจโยฯ ตีณิฯ

อกุสเล ตีณิฯ อพฺยากตํ อนุปาทินฺนุปาทานิเย ตีณิเยว…เป.…ฯ

[14] กุสลํ อนุปาทินฺนอนุปาทานิยํ ธมฺมํ ปฏิจฺจ นกุสโล นอนุปาทินฺนอนุปาทานิโย ธมฺโม อุปฺปชฺชติ เหตุปจฺจยา… ตีณิฯ

อพฺยากตํ อนุปาทินฺนอนุปาทานิยํ ธมฺมํ ปฏิจฺจ นกุสโล นอนุปาทินฺนอนุปาทานิโย ธมฺโม อุปฺปชฺชติ เหตุปจฺจยา… ตีณิฯ …เหตุยา ฉฯ

1-4. กุสลตฺติก-สํกิลิฏฺฐตฺติกํ

[15] อกุสลํ สํกิลิฏฺฐสํกิเลสิกํ ธมฺมํ ปฏิจฺจ นอกุสโล นสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา… เหตุยา ตีณิฯ

อพฺยากตํ อสํกิลิฏฺฐสํกิเลสิกํ ธมฺมํ ปจฺจยา นอพฺยากโต นอสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยาฯ อพฺยากตํ อสํกิลิฏฺฐสํกิเลสิกํ ธมฺมํ ปจฺจยา นกุสโล นอสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยาฯ อพฺยากตํ อสํกิลิฏฺฐสํกิเลสิกํ ธมฺมํ ปจฺจยา นอกุสโล นอสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยาฯ อพฺยากตํ อสํกิลิฏฺฐสํกิเลสิกํ ธมฺมํ ปจฺจยา นกุสโล นอสํกิลิฏฺฐสํกิเลสิโก จ นอพฺยากโต นอสํกิลิฏฺฐสํกิเลสิโก จ ธมฺมา อุปฺปชฺชนฺติ เหตุปจฺจยาฯ อพฺยากตํ อสํกิลิฏฺฐสํกิเลสิกํ ธมฺมํ ปจฺจยา นอกุสโล นอสํกิลิฏฺฐสํกิเลสิโก จ นอพฺยากโต นอสํกิลิฏฺฐสํกิเลสิโก จ ธมฺมา อุปฺปชฺชนฺติ เหตุปจฺจยาฯ อพฺยากตํ อสํกิลิฏฺฐสํกิเลสิกํ ธมฺมํ ปจฺจยา นกุสโล นอสํกิลิฏฺฐสํกิเลสิโก จ นอกุสโล นอสํกิลิฏฺฐสํกิเลสิโก จ ธมฺมา อุปฺปชฺชนฺติ เหตุปจฺจยาฯ เหตุยา ฉฯ

[16] กุสลํ อสํกิลิฏฺฐอสํกิเลสิกํ ธมฺมํ ปฏิจฺจ นกุสโล นอสํกิลิฏฺฐอสํกิเลสิโก ธมฺโม อุปฺปชฺชติ เหตุปจฺจยา… ตีณิฯ

อพฺยากตํ อสํกิลิฏฺฐอสํกิเลสิกํ ธมฺมํ ปฏิจฺจ นกุสโล นอสํกิลิฏฺฐอสํกิเลสิโก ธมฺโม อุปฺปชฺชติ เหตุปจฺจยา… ตีณิ… เหตุยา ฉฯ

1-5. กุสลตฺติก-วิตกฺกตฺติกํ

[17] กุสลํ สวิตกฺกสวิจารํ ธมฺมํ ปฏิจฺจ นกุสโล นสวิตกฺกสวิจาโร ธมฺโม อุปฺปชฺชติ เหตุปจฺจยา… เหตุยา เตรสฯ (กุสเล ปญฺจ, อกุสเล ปญฺจ, อพฺยากเต ตีณิฯ)

กุสลํ อวิตกฺกวิจารมตฺตํ ธมฺมํ ปฏิจฺจ นกุสโล นอวิตกฺกวิจารมตฺโต ธมฺโม อุปฺปชฺชติ เหตุปจฺจยา… เหตุยา เตรสฯ

กุสลํ อวิตกฺกอวิจารํ ธมฺมํ ปฏิจฺจ นกุสโล นอวิตกฺกอวิจาโร ธมฺโม อุปฺปชฺชติ เหตุปจฺจยา… ตีณิฯ

อพฺยากตํ อวิตกฺกอวิจารํ ธมฺมํ ปฏิจฺจ นกุสโล นอวิตกฺกอวิจาโร ธมฺโม อุปฺปชฺชติ เหตุปจฺจยา… ตีณิ… เหตุยา ฉฯ

1-6. กุสลตฺติก-ปีติตฺติกํ

[18] กุสลํ ปีติสหคตํ ธมฺมํ ปฏิจฺจ นกุสโล นปีติสหคโต ธมฺโม อุปฺปชฺชติ เหตุปจฺจยา… ปญฺจ… เหตุยา เตรสฯ

กุสลํ สุขสหคตํ ธมฺมํ ปฏิจฺจ นกุสโล นสุขสหคโต ธมฺโม อุปฺปชฺชติ เหตุปจฺจยา… ปญฺจ… เหตุยา เตรสฯ

กุสลํ อุเปกฺขาสหคตํ ธมฺมํ ปฏิจฺจ นกุสโล นอุเปกฺขาสหคโต ธมฺโม อุปฺปชฺชติ เหตุปจฺจยา… ปญฺจ… เหตุยา เตรสฯ

1-7. กุสลตฺติก-ทสฺสนตฺติกํ

[19] อกุสลํ ทสฺสเนน ปหาตพฺพํ ธมฺมํ ปฏิจฺจ นอกุสโล นทสฺสเนน ปหาตพฺโพ ธมฺโม อุปฺปชฺชติ เหตุปจฺจยา… เหตุยา ตีณิฯ

อกุสลํ ภาวนาย ปหาตพฺพํ ธมฺมํ ปฏิจฺจ นอกุสโล นภาวนาย ปหาตพฺโพ ธมฺโม อุปฺปชฺชติ เหตุปจฺจยา… เหตุยา ตีณิฯ